హైదరాబాద్:గణతంత్ర దినోత్సవం నాడు వందేళ్ల ఉస్మానియా యూనివర్శిటీలో జాతీయ జెండాకు అవమానం జరిగింది. ఆర్ట్స్ కాలేజీపై అధికారులు జాతీయ జెండాను ఎగురవేశారు. అయితే జెండా చిరిగి ఉండటాన్ని గుర్తించిన విద్యార్థులు ఆందోళనకు దిగారు. అధికారుల నిర్లక్ష్య వైఖరిపై విద్యార్థులు ఆగ్రహం వ్యక్తం చేశారు. దాంతో వెంటనే స్పందించిన అధికారులు అప్పటికప్పుడే మరో జెండాను ఏర్పాటు చేశారు. జెండా ఎగురవేస్తున్న సమయంలోనే తీవ్రమైన గాలికి హుక్కు చిక్కుకుని జెండా చినిగిందే తప్ప.. ఉద్దేశ్య పూర్వకంగా కాదని ఆర్ట్స్ కళాశాల ప్రిన్సిపాల్ వివరణ ఇచ్చారు.