అమెరికాలో రాబోయే అధ్యక్ష ఎన్నికల్లో చారిత్రాత్మక ఘట్టం ఆవిష్కృతం కానుంది. భారత సంతతికి చెందిన తులసీ గబ్బార్డ్ US ప్రెసిడెంట్ పదవికి పోటీ పడుతున్నారు. అతిపిన్న వయస్సులోనే ప్రతినిధుల సభకు ఎంపికై రికార్డు సృష్టించిన ఆమె సైన్యంలో పనిచేశారు. చిన్నప్పటి నుంచే హిందూ బావాలను, పద్దతులను అనుసరిస్తున్న తులసీ, అమెరికా రాజకీయాల్లో తనకంటూ ఓ ప్రత్యేకతను చాటుకున్నారు.

అమెరికాలో వచ్చే అధ్యక్ష ఎన్నికల్లో పోటీచేయున్నట్లు మరో భారతీయ అమెరికన్ సెనెటర్ కమలా హ్యారీస్ ప్రకటించారు. 2020 లో జరిగే ప్రెసిడెంట్ రేస్ లో డెమోక్రటిక్ పార్టీ తరుపున పోటీచేయనున్నట్లు వెల్లడించారు. కాలిఫోర్నియా నుంచి సెనెటర్ గా ఎన్నికైన తొలి భారత సంతతి మహిళ కమలా చరిత్రకెక్కారు.

పౌర హక్కులపై పోరాడుతూ మంచి గుర్తింపు పొందారు. ట్రంప్ వలస విధానాలను, ఇష్టానుసారంగా పదవుల్లో నియామకాల తీరును ఎండగడుతూ ఆమె తనకంటూ ఓ ప్రత్యేకతను చాటుకున్నారు. కమలా హ్యారీస్ తల్లి తమిళనాడుకు చెందిన శ్యామలా గోపాలన్. ఆఫ్రికా -ఆసియా సంతతికి చెందిన తల్లిదండ్రుల కూతూరు కావడంతో కమలా హ్యారీస్ ను రాజకీయంగా బరాక్ ఒబామాతో పోలుస్తారు.