రాజశేఖర్ కథానాయకుడిగా ప్రశాంత్ వర్మ దర్శకత్వంలో కల్కి సినిమా రూపొందుతోంది. యాక్షన్ కి .. ఎమోషన్ కి ప్రాధాన్యతనిస్తూ నిర్మాత సి.కల్యాణ్ తో కలిసి రాజశేఖర్ ఈ సినిమాను నిర్మిస్తున్నారు. ఈ రోజున రాజశేఖర్ పుట్టినరోజు .. ఈ సందర్భాన్ని పురస్కరించుకుని, ఈ సినిమా నుంచి ఫస్టు టీజర్ ను రిలీజ్ చేశారు.

యాక్షన్ సీన్ పైనే ఈ టీజర్ ను కట్ చేశారు. వర్షంలో రాజశేఖర్ పై ఒక గ్యాంగ్ చేసే దాడిని ఈ టీజర్లో చూపించారు. రాజశేఖర్ సినిమా నుంచి ఆడియన్స్ ఆశించే యాక్షన్ ఈ సినిమాలో పుష్కలంగా ఉన్నట్టుగా తెలుస్తోంది. రాజశేఖర్ సరసన కథానాయికలుగా ఆదా శర్మ .. నందిత శ్వేత కనిపించనున్నారు. నిన్నమొన్నటి వరకూ అభిమానులతో యాంగ్రీ యంగ్ మేన్ అంటూ పిలిపించుకున్న రాజశేఖర్, ఈ సినిమాతో యాంగ్రీ స్టార్ గా ప్రేక్షకుల ముందుకు వస్తుండటం విశేషం.