కువైట్‌ సిటీ: హెల్త్‌ ఇన్స్యూరెన్స్‌ రుసుము చెల్లించేందుకోసం వలసదారులు పొడవైన క్యూ లైన్లను చూసి ఆందోళన చెందాల్సిన అవసరం లేదు. మినిస్ట్రీ ఆఫ్‌ హెల్త్‌, త్వరలో ఆన్‌లైన్‌ ద్వారా చెల్లింపులు చేయడానికి వీలుగా చర్యలు చేపడుతోంది. సెంట్రల్‌ ట్రేడర్స్‌ కమిటీ ఈ మేరకు ఇటీవల ఓ టెండర్‌ని రద్దు చేయడాన్ని అధికారులు ఉటంకిస్తూ పేర్కొన్నారు. జనవరి 28న ఆన్‌లైన్‌ మెకానిజంకి సంబంధించిన చర్యలు ప్రారంభమయ్యాయని, త్వరలోనే ఈ విధానాన్ని అందుబాటులోకి తీసుకొస్తామనీ అధికారులు అంటున్నారు. కొత్త విధానం ద్వారా వలసదారులు తమ డేటాని రిజిస్టర్‌ చేసుకోవడానికీ, ఫీజుల్ని చెల్లించడానికీ సులభతరమవుతుందని అధికారులు పేర్కొన్నారు.