అబుదాబీ పోలీసులు సోషల్‌ మీడియాలో 'యువర్‌ కామెంట్స్‌' హ్యాష్‌ ట్యాగ్‌తో ఓ వీడియోని పోస్ట్‌ చేశారు. ఈ వీడియోలో అతి వేగంతో దూసుకెళుతున్న ఓ కారు, మినీ బస్సుని ఢీకొన్న విజువల్స్‌ కన్పిస్తున్నాయి. ప్రమాదాల నివారణ కోసం ఈ తరహా వీడియోల్ని అబుదాబీ పోలీసులు సోషల్‌ మీడియాలో పోస్ట్‌ చేస్తూ వాహనదారుల్లో అవగాహన పెంచేందుకు ప్రయత్నిస్తున్నారు. ఉల్లంఘనల్ని అధిగమించడం వల్లనే ఇలాంటి ప్రమాదాలు చోటు చేసుకుంటున్నాయనీ, వాహనాన్ని నడిపేటప్పుడు డిస్ట్రాక్షన్స్‌ కూడా ప్రమాదాలకు కారణమవుతున్నాయని పోలీస్‌ అధికారులు పేర్కొంటున్నారు. అతి వేగంతో దూసుకెళ్ళిన ఓ కారు, ఆగి వున్న మినీ బస్‌ని ఢీకొన్న ఘటన ఈ వీడియోలో దర్శనమిస్తూ అందర్నీ ఆలోచింపజేస్తోంది.