యూఏఈలోని బ్యాంకులు, తమ వినియోగదారుల క్రెడిట్‌ మరియు డెబిట్‌ కార్డుల్ని సస్పెడ్‌ చేయడం ప్రారంభించాయి. ఎవరైతే ఎమిరేటీ ఐడీని అప్‌డేట్‌ చేసుకోలేదో అలాంటివారి కార్డుల్ని సస్పెండ్‌ చేస్తున్నట్లు బ్యాంకు వర్గాలు వెల్లడించాయి. యూఈఏ సెంట్రల్‌ బ్యాంక్‌ ఆదేశాల మేరకు ఈ చర్యలు చేపడుతున్నాయి. ఎడిసిబి, రస్‌ అల్‌ ఖైమా బ్యాంక్‌, ఎమిరేట్స్‌ ఎన్‌బిడి మరియు సిబిఐ మరికొన్ని బ్యాంకులు తమ వినియోగదారులకు ఎమిరేటీ ఐడీని అప్‌డేట్‌ చేసుకోవాల్సిందిగా సూచిస్తున్నాయి. వినియోగదారులు తమ డిటెయిల్స్‌ అప్‌డేట్‌ చేసుకునేవరకు ఆయా కార్డులు సస్పెన్షన్‌ మోడ్‌లో వుంటాయి.