ఎన్నికల కమీషన్ నుంచి 'లక్ష్మీస్ ఎన్టీఆర్'కు క్లీన్ చీట్ వచ్చింది. ఈ సినిమా విడుదలకు సంబంధించి ఎన్నికల సంఘం ఎదుట నిర్మాత రాకేష్ రెడ్డి హాజరయ్యారు. ఎన్నికల సంఘం అన్నీ అభ్యంతరాలకు సమాధానం ఇచ్చారు. దీంతో ఈసీ క్లీన్ చీట్ ఇచ్చింది.
సినిమాను విడుదల చేసుకోవచ్చని సూచించింది. ఐతే, సినిమాని ఎవరి మనోభావాలను కించపరిచేలా తీయలేదంటూ సర్టిఫికేట్ ఇవ్వాలని, సినిమా ప్రసారం ప్రారంభంలో కూడా చూపించాలని ఈసీ సూచించింది. దీనికి రాకేష్ రెడ్డి అంగీకరించారు.

సినిమా విడుదల తర్వాత వచ్చే అభ్యంతారలపై మరోసారి సమీక్షిస్తామని ఈసీ చెప్పినట్టు తెలిసింది. మొత్తానికి లక్ష్మీస్ ఎన్టీఆర్ ఎన్నికల కమీషన్ నుంచి లైన్ క్లియర్ అయ్యింది. ఇక, సెన్సార్ సర్టిఫికెట్ రావడమే ఆలస్యం. అది కూడా జరిగితే.. ఈ వారం (మార్చి 29)న లక్ష్మీస్ ఎన్ టీఆర్ రావడం ఖాయమైపోయినట్టే.