కువైట్‌ సిటీ: కువైట్‌లో భారతీయ వ్యక్తి ఒకరు హత్యకు గురయ్యారు. ఇషాబిల్యాలోని స్పాన్సర్‌ హౌస్‌లో ఇద్దరు కంపాట్రియాట్స్‌తో జరిగిన గొడవ ఈ హత్యకు దారి తీసినట్లు తెలుస్తోంది. గొడవ గురించిన సమాచారం తెలియగానే, స్పాన్సరర్‌ పోలీసులకు సమాచారం ఇచ్చారు. పోలీసులు, పారామెడిక్స్‌ సంఘటనా స్థలానికి చేరుకుని, ముగ్గురు భారతీయుల్ని ఆసుపత్రికి తరలించారు. అయితే అందులో ఒకరు ప్రాణాలు కోల్పోయారు. మరొకరికి తీవ్ర గాయాలు కాగా, వారికి వైద్య చికిత్స అందిస్తున్నారు. మూడో వ్యక్తిని పోలీసులు విచారిస్తున్నారు.