కువైట్‌:కువైట్‌ ఎయిర్‌ వేస్‌ సంస్థ తమ కంపెనీ బేస్‌ ఎయిర్‌ పోర్ట్‌ వద్ద జరిగిన ఓ ప్రమాదంలో గ్రౌండ్‌ సపోర్ట్‌ వర్కర్‌ మృతి చెందినట్లు వెల్లడించింది. కువైట్‌ ఎయిర్‌ వేస్‌ బోయింగ్‌ 777 300 ఇఆర్‌ విమానాన్ని ట్రాక్టర్‌ ద్వారా బయటకు లాగేందుకు ప్రయత్నిస్తున్న సమయంలో ఈ ప్రమాదం జరిగింది. ప్రమాదం జరిగిన సమయంలో విమానంలో ఎవరూ లేరు. పార్కింగ్‌ ఏరియా నుంచి కువైట్‌ ఎయిర్‌పోర్ట్‌ టెర్మినల్‌ 4 వద్దకు తీసుకువెళ్ళే క్రమంలో ప్రమాదం జరిగినట్లు సంస్థ ప్రకటించింది. కువైటీ అథారిటీస్‌ ఈ ఘటనపై విచారణ ప్రారంభించాయి.