ఈ శుక్రవారం, పవిత్ర రమదాన్‌ మాసం సందర్భంగా ముస్లింలకు, నాన్‌ ముస్లింలకు ఇఫ్తార్‌ విందుని ఏర్పాటు చేస్తున్నారు. సుమారు 400 మందికి ఇఫ్తార్‌ ఏర్పాట్లు చేశారు. మహిళలకు, పురుషులకు ప్రత్యేకంగా టెంట్లను ఏర్పాటు చేస్తున్నట్లు నిర్వాహకులు తెలిపారు. ఇస్లామిక్‌ ఇన్ఫర్మేషన్‌ సెంటర్‌ బుర్‌ దుబాయ్‌ ఈ కార్యక్రమాన్ని చేపట్టింది. పదేళ్ళుగా ఈ సెంటర్‌ ఇఫ్తార్‌ విందులను నిర్వహిస్తూ వస్తోంది. మెనూలో చికెన్‌, లాంబ్‌ బిర్యానీ, యోగర్ట్‌, డ్రింక్స్‌ మరియు డేట్స్‌ వుంటాయి. చాలామంది ఇంటి నుంచి ఆహారాన్ని తీసుకొచ్చి, ఇతరులతో ఇక్కడ పంచుకుంటుంటారు. ఇతరులకు సాయం చేయడం ద్వారా అల్లా ఆశీర్వాదం పొందవచ్చునన్నది వారి నమ్మకం.