సౌదీ అరేబియా:బాంబు అమర్చిన డ్రోన్‌ని హౌతీ తీవ్రవాదులు సౌదీలోని ఎయిర్‌ పోర్ట్‌పైకి సంధించగా, దాన్ని సౌదీ అరేబియా రక్షణ దళాలు కూల్చేశాయి. నజ్రాన్‌ ఎయిర్‌ పోర్ట్‌ని టార్గెట్‌ చేస్తూ తీవ్రవాదులు ఈ డ్రోన్‌ని ప్రయోగించినట్లు సౌదీ ఎయిర్‌ ఫోర్స్‌ వర్గాలు వెల్లడించాయి. సౌదీ ఎయిర్‌ ఫోర్స్‌ కోలిషన్‌ అధికార ప్రతినిథి కల్నల్‌ టుర్కి అల్‌ మల్కి ఈ విషయాన్ని వెల్లడించారు. 72 గంటల్లో నజ్రాన్‌ ఎయిర్‌ పోర్ట్‌పై ఇది మూడో దాడి యత్నమని ఆయన వివరించారు. రెబల్స్‌ నజ్రాన్‌లోని సివిలియన్‌ ఇన్‌స్టాలేషన్‌పై దాడి చేశారని, ఈ ఘటనలో ఎవరికీ ఎలాంటి గాయాలూ కాలేదని ఆయన వివరించారు. గత వారంలో ఆయిల్‌ ఎస్సెట్స్‌పై దాడిని యెమెన్‌ తీవ్రవాద దళాలు సమర్థించుకున్నాయని, దాడి తామే చేఉసినట్లు ఒప్పుకున్నారని చెప్పారు టుర్కి అల్‌ మల్కి.