బహ్రెయిన్‌:16 ఏళ్ళ బాలిక బుధవారం రాత్రి నుంచి కనిపించకుండా పోయిందని ఆమె తరఫు బంధువులు పోలీసులకు ఫిర్యాదు చేశారు. దాంతో, విచారణ చేపట్టిన పోలీసులు, ఎట్టకేలకు బాలిక ఆచూకీ కనుగొన్నారు. ప్రస్తుతం బాలిక క్షేమంగా వున్నట్లు అధికారులు వెల్లడించారు. బాలిక పేరు షహాద్‌ అనీ, ఆమె అరబ్‌ జాతీయురాలనీ పోలీసులు పేర్కొన్నారు. రిఫ్ఫా పోలీస్‌ స్టేషన్‌లో బాలిక తప్పిపోవడంపై ఫిర్యాదు నమోదు కాగా, సోషల్‌ మీడియా వేదికగా పోలీసులు బాలిక ఫొటోల్ని ఆమెకు సంబంధించిన సమాచారాన్ని ప్రచారం చేశారు. బాలిక ఇంటర్మీడియట్‌ స్కూల్‌ (9వ గ్రేడ్‌) ఎగ్జామ్స్‌ ఇటీవలే పూర్తి చేసినట్లు తెలుస్తోంది. ఈ కేసుకు సంబంధించి తదుపరి తీసుకోవాల్సిన చర్యలు తీసుకోబడ్తాయని అధికారులు వెల్లడించారు.