దుబాయ్: సూపర్‌ మార్కెట్‌లో భారతీయ బాలికను లైంగిక వేధింపులకు గురిచేసిన ఘటనలో నిందితుడికి ఆరు నెలల జైలు శిక్ష విధించింది దుబాయ్‌ న్యాయస్థానం. ఈ ఘటన ఏప్రిల్‌ 4న చోటు చేసుకుంది. ఒంటరిగా వున్న బాలికను చూసి మొరాకోకి చెందిన వ్యక్తి ఆమెను లైంగికంగా వేధించడం ప్రారంభించాడు. నైఫ్‌లోని ఫ్రీజ్‌ అల్‌ మురరార్‌ స్టోర్‌లో ఈ ఘటన జరిగింది. జరిగిన ఘటనతో తీవ్రంగా కలత చెందిన ఆ చిన్నారి, తన కుటుంబ సభ్యులకు తెలిపింది. పోలీసులకు బాధిత కుటుంబం ఫిర్యాదు చేయడంతో, నిందితుడ్ని అరెస్ట్‌ చేశారు. తప్పు చేసినట్లు నిందితుడు విచారణ సందర్భంగా అంగీకరించాడు.