కువైట్‌: కువైట్‌లోని జిలీబ్‌ అల్‌ షుయోఖ్‌లో ఓ భారతీయ వలసదారుడు బలవన్మరణానికి పాల్పడ్డాడు. సంఘటన గురించిన సమాచారం అందుకున్న పారామెడిక్స్‌ టీమ్‌, ఘటనా స్థలానికి చేరుకోగా, అప్పటికే అతను మృతి చెందడం జరిగింది. మృతదేహాన్ని స్వాధీనం చేసుకున్న పోలీసులు, తాడుతో ఉరి వేసుకుని సదరు వ్యక్తి ఆత్మహత్య చేసుకున్నట్లు చెప్పారు. ఫోరెన్సిక్‌ పరీక్షల నిమిత్తం మృతదేహాన్ని తరలించారు. మృతుడు 1984లో జన్మించాడనీ, అతను భారతీయ వలసదారుడనీ అధికారులు వివరించారు. ఆత్మహత్య కేసుగా భావిస్తున్నామనీ, విచారణలో అన్ని నిజాలూ బయటపడ్తాయని అధికారులు పేర్కొన్నారు.