యూఏఈ: అల్‌ వర్కాలో గల ఓ స్కూల్‌ బస్సు రోడ్డు ప్రమాదానికి గురయ్యింది. దుబాయ్‌లో ఈ రోడ్డు ప్రమాదం చోటు చేసుకుంది. వాటర్‌ ట్యాంకర్‌ని స్కూల్‌ బస్సు ఢీకొన్నట్లు ప్రాథమిక వివరాల్ని బట్టి తెలుస్తోంది. ఈ ఘటనలో మొత్తం 15 మందికి గాయాలయ్యాయి. ట్యాంకర్‌ డ్రైవర్‌కి కూడా గాయాలయినట్లు పోలీసులు చెబుతున్నారు. గాయపడ్డవారిని రషీద్‌ హాస్పిటల్‌కి తరలించారు. ఎలాంటి గాయాలూ కాని విద్యార్థుల్ని స్కూల్‌కి తరలించి, అక్కడ వారికి పూర్తి వైద్య పరీక్షలు నిర్వహించారు. కాగా, ఈ ప్రమాదం కారణంగా విపరీతమైన ట్రాఫిక్‌ సమస్య ఏర్పడింది. ఈ నేపథ్యంలో వాహనదారులకు ట్రాఫిక్‌ సిబ్బంది పలు సూచనలు చేశారు. ఇదిలా వుంటే, గాయపడ్డ విద్యార్థులకు కూడా మైనర్‌ గాయాలు మాత్రమే అయ్యాయని స్కూల్‌ యాజమాన్యం ప్రకటించింది.