సలాలా ఫ్రీ జోన్‌ కంపెనీ (ఎస్‌ఎఫ్‌జెడ్‌సి), తమ జోన్‌లో కొత్తగా 21,000 ఉద్యోగాలకు రానున్న మూడేళ్ళలో అవకాశాలున్నట్లు పేర్కొంది. కంపెనీ వెల్లడించిన వివరాల ప్రకారం, 21,000 జాబ్‌ ఆపర్ట్యూనిటీస్‌ కల్పించే దిశగా జాయింట్‌ మీటింగ్‌ని నిర్వహిస్తున్నట్లు తెలుస్తోంది. రాయల్‌ డిక్రీ ద్వారా కంపెనీ ఏర్పాటు జరిగింది. మినిస్ట్రీ ఆఫ్‌ కామర్స్‌ అండ్‌ ఇండస్ట్రీ, మినిస్ట్రీ ఆఫ్‌ ఫైనాన్స్‌, మినిస్ట్రీ ఆఫ్‌ మేన్‌ పవర్‌ భాగస్వామ్యంతో ఈ కంపెనీని ఏర్పాటు చేశారు. ఆయా విభాగాల్లో ఉద్యోగాల కల్పన దిశగా ఒప్పందాలకు అవకాశం వుందని కంపెనీ పేర్కొంది.