న్యూఢిల్లీ : కేంద్ర ఆదాయ పన్ను శాఖ ప్రజలకు శుభవార్త వెల్లడించింది. ఇక నుంచి ఆధార్ కార్డు ఉండి పాన్ కార్డు కోసం దరఖాస్తు చేసుకున్న వారికి ఆన్‌లైన్‌లో ఉచితంగా పాన్ నంబరును తక్షణమే అందించాలని ఆదాయపు పన్నుశాఖ నిర్ణయించింది. పాన్ కార్డు కోసం దరఖాస్తు చేసుకున్న వారికి వారి ఆధార్ డేటాతో ఒన్ టైమ్ పాస్‌వర్డ్ తో తక్షణమే ఎలాంటి జాప్యం లేకుండా ఈ-పాన్ ను జారీ చేయాలని కేంద్రం నిర్ణయించింది. ఆధార్ కార్డులో ఉన్న చిరునామా, తండ్రి పేరు, పుట్టిన తేదీల ఆధారంగా ఈ-పాన్ కార్డులను తక్షణమే జారీ చేయనున్నారు. డిజిటల్ సంతకంతో కూడిన పాన్ కార్డును క్యూఆర్ కోడ్ తో అందించాలని ఆదాయపు పన్ను శాఖ నిర్ణయించింది. దీంతోపాటు పాన్ కార్డు ఫోర్జరీ చేయకుండా డిజిటల్ పోటోషాపింగ్ తో తక్షణమే జారీ చేయాలని నిర్ణయించారు.