సోమాలియా:మొగాడిషులోని రద్దీ ప్రాంతంలో శనివారం భారీ కారు బాంబు పేలింది, కనీసం 76 మంది చనిపోయారు, వారిలో చాలా మంది విశ్వవిద్యాలయ విద్యార్థులు ఉన్నారని అధికారులు తెలిపారు. భద్రతా తనిఖీ కేంద్రం మరియు పన్ను కార్యాలయం కారణంగా ట్రాఫిక్ భారీగా ఉన్న సోమాలి రాజధానికి నైరుతి దిశలో ఒక బిజీ కూడలి వద్ద పేలుడు సంభవించింది. క్షతగాత్రులను సైట్ నుండి స్ట్రెచర్లపై తీసుకువెళ్లారు, పేలుడు సంభవించిన ప్రదేశం లో కాలి పోయిన వాహనాలు , మంటలు మరియు కాలిన అవశేషాలు కనిపించాయి.

అల్-ఖైదాతో అనుబంధంగా ఉన్న అల్-షాబాబ్ ఇస్లామిస్ట్ మిలిటెంట్లు జరిపిన కార్ బాంబు దాడులు మరియు దాడుల ద్వారా మొగాడిషు క్రమం తప్పకుండా దెబ్బతింటుంది, కాని శనివారం జరిగిన పేలుడు దాదాపు రెండు సంవత్సరాలలో అత్యంత ఘోరమైనది. మృతి చెందిన వారిలో చాలా మంది విశ్వవిద్యాలయ విద్యార్థులు వున్నారు. విద్యార్థుల బస్సు రెండు పేలుళ్లతో ద్వాంసం అయింది. ఇద్దరు టర్కీ పౌరులు కూడా మరణించినట్లు పోలీసులు తెలిపారు. ఈ దుర్ఘటన లో 76 మంది మరణించారు మరియు 70 మంది గాయపడ్డారు, ఇది ఇంకా ఎక్కువగా ఉండవచ్చు అని ప్రైవేట్ అమీన్ అంబులెన్స్ సర్వీస్ డైరెక్టర్ అబ్దుకాదిర్ అబ్దిరాహ్మాన్ హాజీ పేర్కొన్నారు.

పోలీసు అధికారి ఇబ్రహీం మొహమ్మద్ పేలుడును వినాశకరమైనది గా అభివర్ణించారు. ఇద్దరు టర్కిష్ జాతీయులు, బహుశా రహదారి నిర్మాణ ఇంజనీర్లు చనిపోయిన వారిలో ఉన్నారని మేము ధృవీకరించాము, వారు ఆ ప్రాంతం గుండా వెళుతున్నారా లేదా ఆ ప్రాంతంలోనే ఉన్నారా అనే దాని పై మాకు వివరాలు లేవు, అని ఆయన అన్నారు. మొగాడిషు మేయర్ ఒమర్ మొహమూద్ మొహమ్మద్ విలేకరుల సమావేశంలో మాట్లాడుతూ చనిపోయిన వారి సంఖ్య ఇంకా తెలియరాలేదు, కాని సుమారు 90 మంది గాయపడ్డారు అని పేర్కొన్నారు. చనిపోయిన వారిలో ఎక్కువ మంది అమాయక విశ్వవిద్యాలయ విద్యార్థులు మరియు ఇతర పౌరులు వున్నారని అని ఆయన అన్నారు.