మనామా: ఇన్ఫర్మేషన్‌ అండ్‌ ఇ గవర్నమెంట్‌ అథారిటీ (ఐజిఎ), ఇకపై ముహరాక్‌లోని సీఫ్‌ మాల్‌లోని తమ బ్రాంచ్‌, ఇకపై శనివారాల్లో అందుబాటులో వుండదని స్పష్టం చేసింది. ఆదివారం నుంచి గురువారం వరకు సాధారణంగానే ఇక్కడ సేవలు అందుతాయని ఐజిఎ పేర్కొంది. ఇప్పటిదాకా ఈ బ్రాంచ్‌లో శనివారం కూడా సేవలు అందుతున్నాయి. తదుపరి నోటీసు వచ్చేవరకు శనివారం సేవల్ని నిలుపుదల చేస్తున్నట్లు ఓ ప్రకటనలో వివరించింది ఐజిఎ. 2019 సెకెండ్‌ హాఫ్‌లో శనివారాల్లోనే 11,000కి పైగా ఐడీ చిప్‌ అప్‌డేటింగ్‌ రిక్వెస్ట్‌లను ప్రాసెస్‌ చేసినట్లు ఐజిఎ డైరెక్టర్‌ ఆఫ్‌ ఐడెంటిటీ అండ్‌ పాపులేషన్‌ రిజిస్ట్రీ షేక్‌ సబాహ్‌ బిన్‌ హమాద్‌ అల్‌ ఖలీఫా చెప్పారు. కాగా, జులై 13, 2019న ఐజిఎ, సీఫ్‌ మాల్‌ ముహారాక్‌, ఇసా టౌన్‌ ఐడీ సెంటర్స్‌ శనివారాల్లో ఉదయం 8 గంటల నుంచి మధ్యాహ్నం 2 గంటల వరకు పనిచేస్తుందని ప్రకటించిన విషయం విదితమే.