లైఫ్ ఇన్సూరెన్స్ కార్పోరేషన్ ఆఫ్ ఇండియా (ఎల్ఐసీ) త్వరలో 23 పాలసీలను నిలిపేస్తోంది. ముఖ్యంగా బాగా పాపులర్ అయిన పాలసీలనే నిలిపివేస్తున్నట్లు ఆ సంస్థ ప్రకటించింది. అందులో ప్రజల్లో బాగా ప్రాచూర్యం పొందిన జీవన్ ఆనంద్, జీవన్ ఉమాంగ్, జీవన్ లక్ష్య, జీవన్ లాభ్, సింగిల్ ప్రీమియం ఎండోమెంట్ ప్లాన్, న్యూ ఎండోమెంట్ ప్లాన్, న్యూ మనీబ్యాక్, అన్మోల్ జీవన్.. ఇలా మొత్తం 23 పాలసీలు నిలిచిపోనున్నాయి. వాస్తవానికి ఈ పాలసీలన్నీ గతేడాది నవంబర్ 30వ తేదీనే నిలిచిపోవాల్సింది. అయితే ఐఆర్‌డీఏఐ గడువు పెంచడంతో.. ఈ జనవరి 31 వరకు ఈ 23 పాలసీలను కొనసాగిస్తోంది. అయితే వీటి స్థానంలో మళ్లీ కొత్త పాలసీలను తీసుకురానుంది. వాటిలో ఇప్పుడు ఉన్న ప్రీమీయిం రేట్ల కంటే ఎక్కువ కట్టాల్సి వస్తుందన్న వార్తలు వస్తున్నాయి. అంతేకాదు.. బోనస్ కూడా తగ్గుతుందన్న ప్రచారం జరుగుతోంది. దీంతో కొత్త పాలసీ చేయాలనుకునే వారు.. ఈ వారం రోజుల్లో చేసుకుంటే.. ప్రస్తుతం ఉన్న లాభాలను పొందే అవకాశం ఉంది.