బహ్రెయిన్‌:మినిస్ట్రీ ఆఫ్‌ హెల్త్‌, బహ్రెయిన్‌లో కరోనా వైరస్‌ జాడ ఏమీ లేదని స్పష్టం చేసింది. కరోనా వైరస్‌ కేసు బహ్రెయిన్‌లో నమోదయ్యిందంటూ వచ్చిన వార్తల్ని మినిస్ట్రీ ఆఫ్‌ హెల్త్‌ ఖండించింది. ప్రజలెవరూ ఇలాంటి నిరాధార వార్తల్ని చూసి ఆందోళన చెందాల్సిన అవసరం లేదనీ, కరోనా వైరస్‌ పట్ల అప్రమత్తంగా వున్నామనీ, బోర్డర్‌ పాయింట్స్‌లో కరోనా వైరస్‌ బాధితుల్ని గుర్తించేందుకు కట్టుదిట్టమైన ఏర్పాట్లు చేశామని అధికారులు పేర్కొన్నారు. వరల్డ్‌ హెల్త్‌ ఆర్గనైజేషన్‌ సూచన మేరకు అన్ని జాగ్రత్తలూ తీసుకుంటున్నట్లు ఆ అధికారులు స్పష్టం చేశారు.