ఒమన్:ఉపాధి కోసం వెళ్లే ప్రవాసీయులకు ఒమన్ ప్రభుత్వం షాకిచ్చింది. కొన్ని ప్రైవేట్ సెక్టార్స్ లో ప్రవాసీయులను హైర్ చేయకూడదని ఆంక్షలు విధించింది. స్థానికులకు ఉపాధి అవకాశాలు పెంపొందించటంపై గల్ఫ్ దేశాలు కొన్నాళ్లుగా ఫోకస్ చేస్తున్న సంగతి తెలిసింది. అందులో భాగంగా మ్యాన్ పవర్ మినిస్టర్ అబ్ధుల్లా బిన్ నాస్సెర్ అల్ బక్రి సెలెక్టెడ్ సెక్టార్స్ లో ఒమనీస్ కే అవకాశాలు కల్పించేలా ఆర్డర్స్ పాస్ చేశారు. లేబర్ లా మేరకు రాయల్ డిక్రి నెం. 35/2003,  76/2004 తమ శాఖకు ఉన్న అధికారాల మేరకు ఈ ఆదేశాలు జారీ చేస్తున్నట్లు మినిస్టర్ ఆఫ్ మ్యాన్ పవర్ తెలిపింది. ఈ ఆదేశాల ప్రకారం ఇక నుంచి 1) సెల్స్ రిప్రజెంటీవ్స్/సేల్స్ ప్రమోటర్స్, 2) పర్చేస్ రిప్రజెంటీవ్స్ గా ప్రవాసీయులను హైర్ చేసుకునే అవకాశాలు ఉండవు. ఆయా రంగాల్లో ఒమన్ రెసిడెన్స్ కు మాత్రమే అవకాశాలు కల్పించాల్సి ఉంటుంది.