జెడ్డా:ఎనిమిది మంది సౌదీ జాతీయులపై ఇరాన్‌కి మద్దతుగా గూఢచర్యం చేస్తున్నారన్న అభియోగాల నేపథ్యంలో న్యాయస్థానం స్పష్టమైన తీర్పునిచ్చింది. మొత్తం 8 మందిని దోషులుగా న్యాయస్థానం తేల్చింది. ఇందులో ఒకరికి మరణ శిక్ష విధించగా, మిగతావారికి జైలు శిక్ష ఖరారు చేసింది న్యాయస్థానం. విలువైన సమాచారాన్ని ఇరాన్‌కి అందించినట్లు ఓ వ్యక్తిపై అభియోగాలు రుజువు కావడంతో అతనికి మరణ శిక్ష విధించింది న్యాయస్థానం. సౌదీ జాతీయ భద్రతకు ముప్పు వాటిల్లేలా అతి విలువైన సమాచారం లీక్‌ చేశారన్నది అభియోగాల సారాంశం.