మస్కట్‌: తీవ్ర అనారోగ్యంతో బాధపడుతున్న వలసదారుడ్ని ఎయిర్‌ లిఫ్ట్‌ చేశారు. రాయల్‌ ఎయిర్‌ ఫోర్స్‌ ఆఫ్‌ ఒమన్‌కి చెందిన హెలికాప్టర్‌ ద్వారా ఖౌలా ఆసుపత్రికి బాధితుడ్ని తరలించినట్లు మినిస్ట్రీ ఆఫ్‌ డిఫెన్స్‌ వెల్లడించింది. బాధితుడు ఆయిల్‌ ఫీల్డ్‌ ఏరియాలో పనిచేస్నుట్లు అధికారులు వివరించారు. ప్రస్తుతం బాధిత వ్యక్తికి అత్యవసర వైద్య చికిత్స అందిస్తున్నారు. మానవతా దృక్పథంతో సేవలందించేందుకు సుల్తాన్స్‌ ఆర్మ్‌డ్‌ ఫోర్సెస్‌ ఎప్పుడూ సిద్ధంగా వుంటాయని అధికారులు చెప్పారు.