రియాద్:కరోనా వైరస్ ఎఫెక్ట్ తో గల్ప్ కోఆపరేటీవ్ కౌన్సిల్ దేశాలు విదేశాల నుంచి వచ్చే ప్రయాణికుల విషయంలో కఠిన నిర్ణయాలు తీసుకున్న విషయం తెలిసిందే. అయితే..ఉపాధి కోసం వచ్చే వారికి సౌదీ అరేబియా గుడ్ న్యూస్ తెలిపింది. వర్క్ వీసా, ఎంప్లాయ్ మెంట్ వీసా, బిజినెస్ వీసా, ఫ్యామిలి విజిట్ వీసాలపై తమ దేశానికి వచ్చే వారిపై ఎలాంటి నిషేధం లేదని క్లారిటీ ఇచ్చింది. అదే సమయంలో అన్ని రకాల టూరిజం వీసాలను రద్దు చేస్తున్నట్లు తెలిపింది. ఇక మల్టిపుల్ రీ ఎంట్రీ వీసా హోల్డర్స్ కు కొన్ని కండీషన్స్ పెట్టింది. మల్టిపుల్ వీసా హోల్డర్స్ సౌదీ అరేబియాకు రావాలంటే కరోనా ఎఫెక్టెడ్ కంట్రీస్ లో రెండు వారాలుగా విజిట్ చేయలేదని అవసరమైన డాక్యుమెంట్స్ సమర్పించాల్సి ఉంటుంది.

ఇక కరోనా వైరస్ ఎఫెక్టెడ్ కంట్రీస్ లిస్టులో ఉన్న చైనా, చైనీస్ తైపీ, హాంకాంగ్, ఇరాన్, ఇటలీ, దక్షిణ కొరియా, మకావో, జపాన్, థాయ్‌లాండ్, మలేషియా, ఇండోనేషియా, పాకిస్తాన్, ఆఫ్ఘనిస్తాన్, ఇరాక్, ఫిలిప్పీన్స్, సింగపూర్, ఇండియా, లెబనాన్, సిరియా, యెమెన్, అజర్‌బైజాన్, కజాఖ్స్తాన్, ఉజ్బెకిస్తాన్, సోమాలియా నుంచి టూరిజం వీసాలను అనుమతించబోమని హెల్త్ మినిస్ట్రి స్పష్టం చేసింది. అలాగే ఆయా దేశాల నుంచి వచ్చే ఎయిర్ లైన్ క్రూకి కూడా అనుమతి నిషేధం అమల్లో ఉండనుంది.