దుబాయ్:అన్ స్టేబుల్ వెదర్ కండీషన్స్ కారణంగా, దుబాయ్ ఫెర్రీ సేవలకు తాత్కాలికంగా నిలిపివేస్తున్నట్లు రోడ్స్ అండ్ ట్రాన్స్ పోర్ట్ అథారిటీ ప్రకటించింది. యూఏఈలోని నేషనల్ సెంటర్ ఆఫ్ మెట్రాలజీ జారీ చేసిన వాతావరణ హెచ్చరికల నేపథ్యంలో ఆర్టీఏ ఈ నిర్ణయం తీసుకుంది. మరింత సహాయం కోసం రైడర్స్ 800 9090 న ఆర్టీఏ కస్టమర్ సర్వీస్ సెంటర్‌ను సంప్రదించాలని అధికారులు కోరారు. నేషనల్ సెంటర్ ఆఫ్ మెట్రాలజీ తెలిపిన వివరాల ప్రకారం అరేబియన్ గల్ఫ్ సముద్ర తీరానికి వెళ్లే వారు అప్రమత్తంగా ఉండాలని హెచ్చరించింది. దాదాపు 60 కిలోమీటర్ల వేగంతో బలమైన ఈదురు గాలులు వీస్తాయని, అలాగే తీరంలో అలలు 8 నుంచి 12 మీటర్ల ఎత్తులో వచ్చే అవకాశాలు ఉన్నాయని తెలిపింది.