జగన్ అధికారంలోకి వచ్చిన తరువాత చాలా స్పీడ్ గా నిర్ణయాలు తీసుకుంటున్నారు.  ముఖ్యంగా సంక్షేమ పధకాల విషయంలో తీసుకునే నిర్ణయాలు ప్రతి ఒక్కరిని ఆశ్చర్యపరుస్తున్నాయి.  ఆంధ్రప్రదేశ్ లో పెన్షన్ కోసమే అధికంగా నిధులు కేటాయిస్తోంది.  ప్రతినెలా ఈ పెన్షన్ కోసం రూ. 1320 కోట్ల రూపాయలు కేటాయిస్తోంది. జనవరి వరకు 55 లక్షల మంది రాష్ట్రంలో పెన్షన్ అందుకుంటుండగా, ఈ నెల నుంచి మరో 5 లక్షలమందికి లబ్ది చేకూరబోతున్నది.  

మొత్తంగా 60 లక్షల మందికి పెన్షన్ అందిస్తున్నారు.  మరో ఐదు లక్షల మందికి కొత్తగా పెన్షన్ ఇవ్వబోతుండటంతో అదనంగా ప్రభుత్వంపై రూ. 200 కోట్ల రూపాయల భారం పడింది.  అయితే, ఈ ఏడాది ప్రవేశపెట్టబోయే బడ్జెట్ లో 10శాతం నిధులను పెన్షన్ పథకం కోసం కేటాయించబోతున్నట్టు తెలుస్తోంది.  ఇది సంచలన నిర్ణయం అని చెప్పాలి.