ఒమన్‌లో కరోనా వైరస్‌కి అడ్డుకట్ట వేసే క్రమంలో 2,300 మందికి పైగా క్వారెంటీన్‌లో వుంచినట్లు మినిస్టర్‌ ఆఫ్‌ హెల్త్‌ వెల్లడించారు. డాక్టర్‌ అహ్మద్‌ బిన్‌ మొహమ్మద్‌ అల్‌ సయీది మాట్లాడుతూ, మార్చి 2 నాటికి 2,367 పేషెంట్లు క్వారంటీన్‌లో వున్నారని చెప్పారు. ఇందులో 49 మంది ఇన్‌స్టిట్యూషనల్‌ క్వారెంటీన్‌లోనూ, 2,318 హోమ్ క్వారంటీన్‌లో వున్నట్లు చెప్పారు. మినిస్ట్రీ, హెల్త్‌ ప్రొసిడ్యూర్స్‌ని మరింత స్ట్రెంగ్తెన్‌ చేసినట్లు వివరించారాయన. క్వారంటీన్‌లో వున్నవారికి అవసరమైన వైద్య చికిత్స అందించేందుకు పూర్తిస్థాయిలో ఏర్పాట్లు చేశామని చెప్పారు మినిస్టర్‌ ఆఫ్‌ హెల్త్‌.