ఒమన్ లో 14 ఏళ్ల బాలుడు మోటర్ బైక్ టైర్ ట్యూబ్ తో ఉరి వేసుకొని చనిపోయాడు. మంగళవారం రాత్రి ఏడు గంటల ప్రాంతంలో తన రూంలోనే ఈ ఘటనకు పాల్పడినట్లు పోలీసులు చెబుతున్నారు. ఫోన్ విషయంలో తన తండ్రి మందలించటం వల్లే అతను ఆత్మహత్యకు పాల్పడినట్లు తెలుస్తోంది. రాయల్ ఒమన్ పోలీసులు తెలిపిన వివరాల ప్రకారం బాధితుడు అల్ ధహిరా గవర్నరేట్‌లోని విలాయత్ ఇబ్రి నివాసి. లంచ్ టైంలో ఫోన్ విషయంలో తన తండ్రితో అతనికి వాదన జరిగింది. దీంతో మనస్థాపానికి గురైతన అతను రూంలోకి వెళ్లి విపరీత చర్యకు పాల్పడ్డాడు. కేసు నమోదు చేసుకున్న పోలీసులు, క్రిమినల్ ఇన్వెస్టిగేషన్ టీం ఘటనా స్థలానికి వెళ్లి పరిశీలించారు. ఈ కేసులో ఇంకా దర్యాప్తు కొనసాగుతోందని రాయల్ ఒమన్ పోలీసులు వెల్లడించారు.