యూ.ఏ.ఈ:ఎమిరాతి వ్యక్తి ఒకరు, హాస్పిటల్‌కి ఎయిర్‌ లిఫ్ట్‌ ద్వారా తరలింపబడ్డారు. కార్గో షిప్‌లో ప్రయాణిస్తుండగా అతను అస్వస్థతకు గురైనట్లు అధికారులు వెల్లడించారు. నేషనల్‌ సెర్చ్‌ అండ్‌ రెస్క్యూ సెంటర్‌, బాధితుడ్ని ఆదుకునేందుకు హెలికాప్టర్‌ని పంపించడం జరిగింది. బాధితుడికి ప్రాథమిక చికిత్స అందించి, అతన్ని ఎయిర్‌ లిఫ్ట్‌ ద్వారా అబుదాబీలోని షేక్‌ షఖ్‌బౌత్‌ మెడికల్‌ సిటీకి తరలించారు. అత్యంత చాకచక్యంగా బాధితుడు వున్న లొకేషన్‌ని గుర్తించి అతనికి వైద్య చికిత్స అందించగలిగామని అధికారులు తెలిపారు.