మాడ్రిడ్‌: స్పెయిన్‌లో కరోనా వైరస్‌ విజృంభిస్తోంది. మిగతా దేశాలతో పోల్చితే అన్నింటికంటే వేగంగా స్పెయిన్‌లోనే వ్యాపిస్తోంది. నిన్న ఒక్కరోజే 1,500 కేసులు నమోదు కాగా.. గడిచిన 24 గంటల్లో 2,000 కొత్త కేసులు నమోదయ్యాయి. 100 మంది ప్రాణాలు కోల్పోయారు. దీంతో వైరస్‌ బాధితుల సంఖ్య 7,753కు చేరుకుంది. వైరస్‌ బారిన పడి 288 మంది మరణించారు. యూరప్‌లో ఇటలీ తర్వాత ఎక్కువగా ప్రభావితం అయిన దేశం స్పెయిన్‌. ఇదిలా ఉండగా.. ప్రపంచ వ్యాప్తంగా ఇప్పటి వరకు ఈ వైరస్‌తో 6,036 మంది ప్రాణాలు విడిచారు. 1,59,844 మందికి వైరస్‌ సోకినట్లు నిర్ధారణ అయింది. ఇప్పటి వరకూ చైనాలోనే ఎక్కువగా 3,199 మంది ప్రాణాలు కోల్పోయారు.