సుదూర ప్రాంతాలకు సైతం విమాన సర్వీసులు కలిగినటువంటి  ఎమిరేట్స్‌, తమ ప్యాసింజర్‌ విమానాల్ని బుధవారం నుంచి రద్దు చేయనుంది. కరోనా వైరస్‌ తీవ్రత నేపథ్యంలో ఈ నిర్ణయం తీసుకుంది సంస్థ. దుబాయ్‌కి చెందిన ఎమిరేట్స్‌, ఈస్ట్‌ మరియు వెస్ట్‌ని కలపడంలో కీలక భూమిక పోషిస్తోంది విమాన ప్రయాణాల విభాగంలో. ఎమిరేట్స్‌ సీఈఓ మరియు ఛైర్మన్‌ అయిన షేక్‌ అహ్మద్‌ బిన్‌ సయీద్‌ అల్‌ మక్తూం మాట్లాడుతూ, ప్రపంచం మొత్తం కోవిడ్‌ 19 కారణంగా క్వారంటీన్‌లోకి వెళ్ళిపోయిందనీ, ఈ నేపథ్యంలో తమ సర్వీసులు కూడా మూసివేయక తప్పడంలేదని అన్నారు. వివిధ దేశాలు తమ బోర్డర్స్‌ని తెరిచేదాకా విమానాల్ని నడిపే పరిస్థితి లేదని ఎమిరేట్స్‌ పేర్కొంది.