కువైట్‌ సిటీ: కువైట్‌లో ల్యాండ్‌ లార్డ్స్‌ కొంతమంది తమ ఫ్లాట్స్‌ అద్దెల నుంచి మినహాయింపులు ఇస్తున్నారు. పరిమిత సమయానికి, పరిమిత మొత్తంలో తగ్గింపుల్ని ఆయా ల్యాండ్‌ లార్డ్స్‌ ప్రకటించడం పట్ల అద్దెకుంటున్నవారు హర్షం వ్యక్తం చేస్తున్నారు. కరోనా వైరస్‌ తీవ్రత నేపథ్యంలో ఆ ప్రభావం అన్ని రంగాలపైనా పడింది. కాగా, టెనెంట్స్‌, సిటిజన్స్‌ మరియు వలసదారులు, రియల్‌ ఎస్టేట్‌ ఓనర్స్‌కి తగ్గింపు విషయమై విజ్ఞప్తి చేస్తుండడంతో, అటు వైపు నుంచి కూడా సానుకూలంగా స్పందన లభిస్తోంది. అన్ని కార్యకలాపాలూ స్తంభించిపోవడంతో ఉపాధి దొరక్క ఇబ్బంది పడుతున్నవారికి ఇది కొంత ఊరటగానే చెప్పుకోవాల్సి వుంటుంది.