దుబాయ్: కరోనా వైరస్ తో ప్రపంచం అతలాకుతలం అయిపోతున్న సంగతి తెలిసిందే. ప్రపంచ దేశాలన్నీ రాకపోకలపై ఆంక్షలు విధించాయి. ఈ ఆంక్షలతో విమానాశ్రయాలలోనే ఎంతోమంది తమ దేశాలకు వెళ్లే క్రమంలో చిక్కుకుపోతున్నారు. 

ఈ క్రమంలో స్వదేశాలకు వెళ్తూ దుబాయ్ విమానాశ్రయంలో చిక్కుకుపోయిన 19 మంది భారతీయ పౌరులు తమని ఆదుకోండి అంటూ అధికారులను వేడుకుంటున్నారు. వీరిని కాపాడేందుకు యూఏఈ ప్రభుత్వం భారత అధికారులతో సంప్రదింపులు జరిపి వారికి విమానాశ్రయం లోపల హోటల్ గదులు ఇచ్చారు. వారికి ఆహార ఏర్పాట్లు మరియు ఆర్ధిక సహాయం అందిస్తూ ఇండియన్ కాన్సులేట్ ప్రత్యేక శ్రద్ధ తీసుకొంటోంది. ఈ సందర్భంగా చిక్కుకున్న 19 మంది భారతీయులు యూఏఈ మరియు ఇండియన్ కాన్సులేట్ కు కృతఙ్ఞతలు తెలియజేసారు.