షార్జా మున్సిపాలిటీ వాహనదారులకు వారి వాహనాల పార్కింగ్‌పై కొన్ని సూచనలు, హెచ్చరికలు చేసింది. పేవ్‌మెంట్‌పై పార్కింగ్‌ చేసినట్లయితే 500 దిర్హామ్‌ల ఫైన్‌ తప్పదని హెచ్చరించారు అధికారులు. వాహనాలు పేవ్‌మెంట్‌లపై పార్కింగ్‌ చేయకుండా భారీగా ప్రచార కార్యక్రమాలు ఇప్పటికే నిర్వహించారు. ఇక ముందు కూడా ప్రచార కార్యక్రమాలు కొనసాగుతాయి. పేవ్‌మెంట్లపై పార్కింగ్‌ కారణంగా, పేవ్‌మెంట్లు, గోడలు దెబ్బ తింటున్నాయని అధికారులు చెప్పారు. అలాగే మోటిరస్టులు తమ వాహనాల్ని పార్కింగ్‌ ప్రాంతాల్లో కూడా సరైన రీతిలో పార్కింగ్‌ చేయాలనీ, స్లాట్‌లో సరిగ్గా పార్కింగ్‌ చేయకపోయినా నిబంధనల ఉల్లంఘనగా పరిగణిస్తారని అధికారులు చెప్పారు. ఎక్కువ సమయం పబ్లిక్‌ ప్లేసుల్లో వాహనాల్ని నిలిపి ఉంచడం కూడా ఇబ్బందికరమేనని అధికారులు తెలిపారు. డిసెంబర్‌లో దుబాయ్‌ పోలీసులు 10 రోజులపాటు క్యాంపెయిన్‌ నిర్వహించారు. అలాగే, రహదార్లపై ప్రమాదాలు తగ్గించేందుకు కొత్త రాడార్లను ఏర్పాట్లు చేసినట్లు అధికారులు చెప్పారు.