కువైట్:పబ్లిక్, ప్రైవేట్ విద్య విషయంలో మరో పది రోజుల్లోనే తమ తుది నిర్ణయాన్ని వెల్లడిస్తామని కువైట్ విద్యాశాఖ మంత్రి డాక్టర్ సౌద్ అల్ హర్బి వెల్లడించారు. తమ నిర్ణయాన్ని పది రోజుల్లో పార్లమెంటరీ అండ్ కల్చర్ కమిటీకి నివేదిస్తామని కూడా ఆయన తెలిపారు. అయితే విద్యా పురోగతి మాత్రం ఎట్టి పరిస్థితి ఆగిపోకుండా చూస్తామని ఆయన భరోసా ఇచ్చారు. స్పీకర్ మర్జఖ్ అల్ గనిమ్ ఆధ్వర్యంలో పార్లమెంటరీ కమిటీతో జరిగిన సమావశం తర్వాత విద్యాశాఖ మంత్రి మీడియాతో మాట్లాడుతూ విద్య విధానాని అవాంతరాలు లేకుండా అన్ని అంశాలపై చర్చించామని అన్నారు. అయితే..ఆన్ లైన్ లో విద్య అందించటం అనేది ఒక అప్షన్ మాత్రమేనని అని కూడా ఆయన స్పష్టం చేశారు. ప్రస్తుతం క్లిష్ట పరిస్థితులను ఎదుర్కుంటున్నామని, అయినా ఆలస్యం చేయకుండా విద్యా విధానంపై ఎదో ఒక నిర్ణయం తీసుకోవాల్సిన అవసరం ఉందని ఆయన అభిప్రాయపడ్డారు. 

--దివాకర్(మాగల్ఫ్ ప్రతినిధి,కువైట్)