దుబాయ్:మీ హెల్త్ కార్డుల గడువు ముగిసినా చింతిచాల్సిన పని లేదు. హెల్త్ కార్డుల గడువు ముగిసినా మరో మూడు నెలల పాటు చెల్లుబాటులోనే ఉంటాయని దుబాయ్ ఆరోగ్య శాఖ అధికార వర్గాలు(DHA) వెల్లడించాయి. ఈ మేరకు ఆరోగ్య సేవలు అందించే సంస్థలకు డీహెచ్ఏ ఉత్తర్వులు జారీ చేసింది. హెల్త్ కార్డుల గడువు ముగిసిందనే కారణంగా ఏ ఒక్క పేషెంట్ కు చికిత్స ఆపకూడదని కూడా హెచ్చరించింది. కరోనా వైరస్ కారణంగా ప్రస్తుతం దేశవ్యాప్తంగా నెలకొన్న సంక్షోభ పరిస్థితుల నేపథ్యంలో హెల్త్ కార్డుల గడువు పెంపు ఎంతో మందికి ప్రయోజనకరంగా మారనుందని డీహెచ్ఏ వెల్లడించింది. ప్రజల బాగోగుల, ఆరోగ్య సంరక్షణ కోసం తమ ప్రభుత్వం కట్టుబడి ఉందని, వారి సంరక్షణ కోసం అవసరమైన జాగ్రత్తలు, నివారణ చర్యలు ఎప్పటికప్పుడు అమలు చేస్తూనే ఉంటామని డీహెచ్ఏ వెల్లడించింది.