కువైట్‌: రాత్రి వేళల్లో విధించిన కర్‌ఫ్యూని ఉల్లంఘించే వలసదారుల్ని బహిష్కరించడం జరుగుతుందని ఇంటీరియర్‌ మినిస్ట్రీ హెచ్చరించింది. అదే పౌరులు గనుక ఉల్లంఘిస్తే, విచారణ నిమిత్తం వారిని సంబంధిత అథారిటీస్‌కి అప్పగించడం జరుగుతుంది. ఆన్‌లైన్‌ ద్వారా ప్రత్యేకంగా అనుమతి పొందేందుకు వీలుందనీ, దాన్ని పౌరులు, నివాసితులు వినియోగించుకోవాల్సి వుంటుందనీ, అలాంటివారు కూడా అత్యవసర పరిస్థితుల్లో మాత్రమే బయటకు రావాల్సి వుంటుందని ఇంటీరియర్‌ మినిస్ట్రీ స్పష్టం చేసింది. కాగా, పాక్షిక కర్‌ఫ్యూ అమల్లోకి వచ్చిన తర్వాత ఇప్పటిదాకా 200 మందిని పోలీసులు అరెస్ట్‌ చేశారు.

--దివాకర్ (మాగల్ఫ్ ప్రతినిధి,కువైట్)