దుబాయ్:సోషల్ మీడియాలో తప్పుడు ప్రచారానికి పాల్పడిన ఓ ప్రవాసీయుడిని దుబాయ్ పోలీసులు అరెస్ట్ చేశారు. ఓ వీడియోను ఉన్నది ఉన్నట్లుగా కాకుండా తనకు అనుకూలంగా ఎడిట్ చేసి అపోహలు కలిగించేలా నిందితుడు షేర్ చేశాడని పోలీసులు ఆరోపిస్తున్నారు. ప్రజలు భయాందోళనకు గురి చేసేలా అసత్య ప్రచారం చేసినందుకు అతన్ని అరెస్ట్ చేసినట్లు వివరించారు. సోషల్ మీడియా వేదికగా ఎవరైనా సమాజానికి హాని కలిగించే, ఇబ్బంది కలిగించేలా ప్రచారం చేసినా, ఫేక్ వీడియోస్ షేర్ చేసినా ఫెడరల్ లా ఆర్టికల్ 198 ప్రకారం నేరం అవుతుందని గుర్తు చేశారు. ప్రస్తుత సంక్షోభ పరిస్థితుల్లో అలాంటి అసత్య ప్రచారాలను అసలు సహించబోమని కూడా హెచ్చరించారు. ఎవరైనా అపోహలు, అసత్య ప్రచారాలు చేసినట్లు తమ దృష్టికి వస్తే దుబాయ్ పోలీస్ యాప్ లోని పోలీస్ ఐ సర్వీస్ ద్వారాగానీ,  E-crime.ae ద్వారా తమకు సమాచారం అందించాలని పోలీసులు కోరారు.