ఒమన్:ఏడాదిన్నర (18 నెలలు) చిన్నారి, కరోనా వైరస్‌ బారిన పడి, పూర్తిగా కోలుకున్నట్లు మినిస్ట్రీ ఆఫ్‌ హెల్త్‌ పేర్కొంది. రాయల్‌ హాస్పిటల్‌లో ఆ చిన్నారిని పిడియాట్రిక్‌ డిపార్ట్‌మెంట్‌లో చేర్పించి, వైద్య చికిత్స చేసినట్లు అధికారులు పేర్కొన్నారు. తల్లిదండ్రుల నుంచి ఆ చిన్నారికి కరోనా వైరస్‌ సోకిందని వైద్యులు తెలిపారు. శ్వాస తీసుకోవడంలో చిన్నారికి ఇబ్బందులు తలెత్తాయనీ, ఈ నేపథ్యంలో రెండు రోజులపాటు చిన్నారిని అబ్జర్వేషన్‌లో వుంచామనీ, రేడియాలజీ టెస్టులు నిర్వహించడం జరిగిందనీ, అవసరమైన వైద్య సహాయం అందించడం జరిగిందనీ వైద్యులు వివరించారు. ‘చిన్నారి కరోనా వైరస్‌ నుంచి కోలుకున్నాడు. అతని ఆరోగ్యం పూర్తిగా మెరుగుపడ్డాక ఆసుపత్రి నుంచి డిశ్చార్జి చేయడం జరుగుతుంది’ అని మినిస్ట్రీ వెల్లడించింది.