రియాద్‌: జనరల్‌ అడ్మినిస్ట్రేషన్‌ ఫర్‌ పాస్‌పోర్ట్స్‌, ఇకామా ఫీజుని రద్దు చేస్తూ నిర్ణయం తీసుకుంది. ప్రైవేట్‌ సెక్టార్‌ ఎంటర్‌ప్రైజెస్‌కి ఇది ఊరట కానుంది. రెసిడెంట్‌ పర్మిట్స్‌ (ఇకామా) కోసం చెల్లించాల్సిన ఫీజుని మూడు నెలల పాటు రద్దు చేస్తున్నారు. మార్చి 18 నుంచి ఇది అమల్లోకి వచ్చింది. ప్రైవేట్‌ సెక్టార్‌పై కరోనా వైరస్‌ ఎఫెక్ట్‌ నేపథ్యంలో వారికి ఊరటనిచ్చేలా ఈ తరహా నిర్ణయాల్ని సౌదీ అరేబియా ప్రభుత్వం తీసుకుంటోంది. కాగా, కరోనా వైరస్‌ వ్యాప్తిని అరికట్టేందుకు కట్టుదిట్టమైన వ్యూహం అమలు చేస్తున్నట్లు అధికారులు వివరించారు.