బహ్రెయిన్:ఉమ్ అల్ హస్సమ్ సమీపంలో పెను ప్రమాదం తప్పింది. అదుపుతప్పి ప్రమాదానికి గురైన కారులో మంటలు చెలరేగాయి. అయితే సివిల్ డిఫెన్స్ అధికారులు వెంటనే స్పందించి మంటలు ఆర్పటంతో ప్రాణ నష్టం తప్పింది. కింగ్ ఫహెద్ బ్రిడ్జి వైపు వెళ్తున్న కారు.. షేక్ ఇస బిన్ సల్మాన్ స్ట్రీట్ లోని టన్నెల్ కు చేరుకోగానే ప్రమాదవశాత్తు ఇనుప కంచెను ఢీకొట్టింది. ఈ ప్రమాదంలో కారు ఫ్యూయల్ ట్యాంక్ లీక్ కావటంతో ఒక్కసారిగా మంటలు చెలరేగినట్లు అధికారులు చెబుతున్నారు. అదృష్టవశాత్తు ఈ ప్రమాదంలో ఎవరికి ఎలాంటి హాని జరగలేదు. 

--రాజేశ్వర్(మాగల్ఫ్ ప్రతినిధి)