దుబాయ్: యూఏఈ లో కరోనా వేగంగా వ్యాపిస్తుండటంతో రోగులకు చికిత్స అందించేందుకు దుబాయ్ లోని వరల్డ్ ట్రేడ్ సెంటర్‌ను ఫీల్డ్ హాస్పిటల్‌(అత్యవసర సంరక్షణ అందించడానికి ఏర్పాటు చేసిన తాత్కాలిక ఆసుపత్రి) గా ఉపయోగించనున్నారు. దీనికి 3,000 మందికి చికిత్స అందించే సామర్ధ్యం ఉందని తెలిపిన అధికారులు. ఇప్పటికే 'మామత్ డౌన్‌టౌన్' ను ఫీల్డ్ హాస్పిటల్ గా మార్చిన విషయం తెలిసిందే. కరోనా ను ఎదుర్కొనేందుకు దేశం సిద్ధంగా ఉందని నివాసితులకు అధికారులు భరోసా ఇస్తున్నారు. దుబాయ్ హెల్త్ అథారిటీ డైరెక్టర్ జనరల్ హుమైద్ అల్ కుతామి మాట్లాడుతూ దుబాయ్‌లో త్వరలో రెండు ఫీల్డ్ ఆస్పత్రులు ఉంటాయని, 10,000 లేదా అంతకంటే ఎక్కువ కేసులను చేర్చుకోగల సామర్థ్యం ఉంటుందని పేర్కొన్నారు.