మస్కట్:పవిత్ర రమదాన్ మాసంలో తక్కువ ఆదాయ వర్గాలను ఆదుకునేందుకు మాడైన్ సంస్థ ఉచిత సరుకుల పంపిణీ చేపట్టింది. మస్కట్ తో పాటు దేశంలోని అన్ని గవర్నరేట్ పరిధిలో ఈ వారం సరుకులను పంపిణీ చేయబోతోంది. మేడ్ ఇన్ ఒమనీ ప్రచారంలో చొరవ తీసుకోవడంలో భాగంగా కూడా ఇది ఎంతగానో దోహదపడుతుందని మాడైన్ వర్గాలు అభిప్రాయపడ్డాయి. ఒమనీ కంపెనీలు, ఫ్యాక్టరీల సహకారంతో వివిధ ఫ్యాక్టరీల నుంచి వచ్చిన విరాళాలను కలిపి ప్రజలకు అవసరమైన సరుకులను ఇప్పటికే కొనుగోలు చేశారు. దార్ అల్ అట్టా అసోసియేషన్ ఆధ్వర్యంలో పనిచేసే ఎష్రకత్ అమల్ బృంద సహకారంతో మాడైన్ సోషల్ రెస్సాన్సిబులిటీ టీం ఇప్పటికే పంపిణీ చేయాల్సిన సరుకులతో బాక్సులను సిద్ధం చేస్తున్నారు. కరోనా ప్రభావంతో ఆర్ధికంగా ఇబ్బందులు ఎదుర్కుంటున్న వారికీ ఈ రమదాన్ గిఫ్ట్ బాక్సులను అందించనున్నారు.