మస్కట్‌: జనరల్‌ ఫెడరేషన్‌ ఆఫ్‌ ఒమన్‌ వర్కర్స్‌, ఐదు రోజుల్లో కార్మికుల హక్కులకు సంబంధించి 19 ఉల్లంఘనల రిపోర్ట్స్‌ని గుర్తించింది. వేతనాల తగ్గింపు, అన్‌పెయిడ్‌ లీవులపై కార్మికుల్ని పంపడం, వార్షిక సెలవుల నుంచి క్వారంటైన్‌ పీరియడ్స్‌ని తొలగించడం వంటి ఉల్లంఘనలు వీటిల్లో వున్నాయి. ఈ మేరకు ఫెడరేషన్‌ ఆన్‌లైన్‌ ద్వారా ఓ ప్రకటన విడుదల చేసింది. ఏప్రిల్‌ 19 నుంచి 23 మధ్య మొత్తం 19 రిపోర్టులు నమోదయ్యాయి. సుప్రీం కమిటీ నిర్ణయాలకు కట్టుబడి ప్రైవేటు సెక్టార్‌ సంస్థలు పనిచేయాల్సి వుంటుందనీ, కార్మికుల హక్కులకు భంగం కలిగించరాదని జనరల్‌ ఫెడరేషన్‌ ఆఫ్‌ ఒమన్‌ వర్కర్స్‌ స్పష్టం చేసింది.

--లెనిన్ కుమార్(మాగల్ఫ్ ప్రతినిధి,ఒమన్)