రియాద్:జూన్ నుంచి దేశీయ విమాన సర్వీసులను ప్రారంభిస్తున్నట్లు మీడియాలో జరుగుతున్న ప్రచారాన్ని సౌదీ ఎయిర్ లైన్స్ తోసిపుచ్చింది. విమాన సర్వీసుల పునరుద్ధరణపై తాము ఇంకా ఎలాంటి నిర్ణయం తీసుకోలేదని స్పష్టం చేసింది. మీడియాలో వస్తున్న కథనాలు పూర్తిగా అసత్యమని..విమాన సర్వీసుల ప్రారంభంపై సంబంధిత అధికారులు నిర్ణయం తీసుకుంటారని వెల్లడించింది. ఇదిలాఉంటే కరోనా వైరస్ వ్యాప్తి నియంత్రణ చర్యల్లో భాగంగా అన్ని అంతర్జాతీయ విమాన సర్వీసులు, దేశీయ సర్వీసుల రద్దు కొనసాగిస్తున్నట్లు సౌదీ అరేబియా ప్రకటించింది. తదుపరి ఆదేశాలు వచ్చే వరకు నిషేధం అమలులో ఉంటుందని స్పష్టం చేసింది. కేవలం అత్యవసరం పరిస్తితుల్లో మాత్రం మినహాయింపు ఉంటుందని వెల్లడించింది.