షార్జా పోలీసులు, బైక్‌ పెట్రోల్స్‌ ద్వారా కరోనా వైరస్‌ వ్యాప్తిని అడ్డుకునేందుకు సన్నాహాలు చేస్తున్నారు. కరోనా వైరస్‌ వ్యాప్తిని అడ్డుకునేందుకు ప్రభుత్వం తీసుకుంటున్న చర్యల్ని వివరిస్తూ, పాటించాల్సి నియమాల్ని బైసికిల్‌ పెట్రోల్స్‌ ద్వారా ప్రజలకు అవగాహన కల్పించనున్నారు. ఎంట్రీ పాయింట్స్‌ వద్ద చెక్‌పోస్టులు ఏర్పాటు చేయడం సహా పలు కీలక నిర్ణయాల్ని పకడ్బందీగా అమలు చేస్తూ కరోనా వైరస్‌ వ్యాప్తిని కొంతమేర తగ్గించగలుగుతున్నారు. కాగా, ఇత్తిహాద్‌ రోడ్‌పై ఇరువైపులా చెక్‌పాయింట్‌సని ఏర్పాటు చేశారు. మరికొన్ని ప్రాంతాల్లోనూ చెక్‌పాయింట్స్‌ని ఏర్పాటు చేయడం జరిగింది.