కువైట్:కరోనాపై పోరాటంలో భాగంగా కువైట్ లో నిర్మించిన ఆస్పత్రులు, నిర్బంధ శిబిరాలను కువైట్ ప్రధాని షేక్ సబా ఖలేద్ అల్ హమద్ అల్ సబా పరిశీలించారు. తన పర్యటనలో భాగంగా ముందుగా అల్ అర్ధియా ప్రాంతంలోని ఆస్పత్రిలో వసతులను ఆయన పరిశీలించారు. అనంతరం మిష్రిఫ్ ప్రాంతంలో ఏర్పాటు చేసిన నిర్బంధ శిబిరం (క్వారంటైన్ సెంటర్)ను పరిశీలించారు. ఈ క్వారంటైన్ సెంటర్ ను కువైట్ ఆయిల్ కంపెనీ, కువైట్ ఇంటీగ్రేటెడ్ పెట్రోలియం ఇండస్ట్రీస్ కంపెనీ సంయుక్తంగా నిర్మించాయి. కరోనాపై నియంత్రణ చర్యల్లో భాగంగా రోగుల కోసం క్వారంటైన్ సెంటర్ ఏర్పాటు చేసేందుకు భాగస్వామ్యులు అయిన ప్రతి ఒక్కరికి ఈ సందర్భంగా కృతజ్ఞతలు తెలిపారు.