దోహా: బలమైన గాలులు, భారీ వర్షం ఖతార్‌లోని కరోనా వైరస్‌ పేషెంట్లకు చికిత్స అందిస్తోన్న ఓ ఫీల్డ్‌ హాస్పిటల్‌ని ధ్వంసం చేశాయి. ఈ మేరకు ఓ వీడియో సోషల్‌ మీడియాలో హల్‌చల్‌ చేస్తున్నాయి. రెండు వారాల క్రితమే ఈ హాస్పిటల్‌ని నిర్మించినట్లు తెలుస్తోంది. నార్త్‌ దోహాలోని ఉమ్ సలాల్‌ ప్రాంతంలో ఈ ఘటన చోటు చేసుకుంది. ఈ ఘటనలో ఎవరికీ ఎలాంటి ప్రాణ నష్టం సంభవించలేదని సమాచారం. కాగా, ఖతార్‌లో 13,409 కరోనా పాజిటివ్‌ కేసులు నమోదయ్యాయి.