షార్జా: షార్జా కేంద్రంగా సేవలందిస్తున్న లో-కాస్ట్‌ ఎయిర్‌లైన్‌ ఎయిర్‌ అరేబియా, రెగ్యులర్‌ ప్యాసింజర్‌ ఫ్లైట్‌ బుకింగ్స్‌ని ఆన్‌లైన్‌ ద్వారా ప్రారంభించింది. జూన్‌ 1 నుంచి ఈ ప్రయాణాలు అందుబాటులోకి వస్తాయి. కరోనా వైరస్‌ నేపథ్యంలో విమాన ప్రయాణాలు మే 30 వరకు ఆగిపోయిన విషయం విదితమే. భారతదేశంలోని ముంబై, ఢిల్లీ, త్రివేండ్రం అలాగే పాకిస్తాన్‌లోని కరాచీ మరియు పెషావర్‌ ప్రాంతాలకు టిక్కెట్లు బుక్‌ చేసుకోవచ్చు. బంగ్లాదేశ్‌, లెబనాన్‌, ఈజిప్ట్‌, రష్యా సహా మరికొన్ని దేశాలకూ  ఈ విమానాలు నడవనున్నాయి. రిటర్న్‌ విమానాలకు కూడా రిజర్వేషన్‌ ప్రారంభమయ్యింది.